Қазақстан Азаматтық Альянсы мен Астана қаласының Қоғамдық кеңесі бірлесіп ұйымдастырған «Пекин декларациясы мен іс-қимыл платформасы бойынша Қазақстанның жетістіктеріне шолу» тақырыбындағы қоғамдық тыңдау өтті. Тыңдау барысында гендерлік кедергілерді жою және әйелдердің құқықтарын білім беру, денсаулық сақтау, экономика және саясат сияқты түрлі салаларда ілгерілету бойынша еліміздің қол жеткізген прогресі қаралды.
🔹Қоғамдық тыңдаудың мақсаты — халықаралық және ұлттық гендерлік теңдік стратегияларын іске асыруда қол жеткізілген нәтижелерді бағалау, бар олқылықтарды анықтау, қалған кедергілерді еңсеру жолдарын талқылау және гендерлік теңдікке қол жеткізу үдерісін жеделдету болды. Сонымен қатар, бұл талқылауға мемлекеттік органдарды, үкіметтік емес ұйымдарды, сарапшылар мен белсенділерді тарту арқылы кең аудиторияны қамту маңызды еді. Тыңдау қорытындысында теңдік пен инклюзивтікті барлық деңгейде ілгерілетуге бағытталған келесі қадамдар мен бастамалар бойынша ұсыныстар әзірленді.
12/12/2024
